7469 մարդ մեկ ժամում 1-ական բաժակ կաթ խմեց․ «Երեմյան Փրոդաքթս»-ի «ՇԱ՜Տ ԿԱԹԸ ՇԱ՜Տ ՍԵՐ Է» կարգախոսով միջոցառումն այս տարի ռեկորդային էր։

«ՇԱ՜Տ ԿԱԹԸ ՇԱ՜Տ ՍԵՐ Է» կարգախոսով միջոցառումն առաջին անգամ իրականացրինք 2023 թվականին՝ կրկին Սիզընս այգում։ Այդ օրը հյուրասիրության ընթացքում մասնակիցները 4800 բաժակ կաթ էին խմել։ Տեսնելով այդ օրվա ոգևորությունը, հետաքրքրվածությունն ու լսելով, որ մարդիկ ցանկանում են նորից մասնակցել կաթի նմանատիպ, յուրահատուկ հյուրասիրությանը, սկսեցինք պատրաստվել այս տարվան՝ է՛լ ավելի մեծ, յուրահատուկ ու․․․ ռեկորդային։





Հունիսի 1-ին՝ Կաթի համաշխարհային օրը, կայացավ մեր երկրորդ մասշտաբային հյուրասիրությունը։ Այդ օրը մենք գերազանցեցինք «1 ժամում ամենաշատ բաժակներով կաթի մատուցում» (Most cups of milk served in one hour) անվանակարգում Գինեսի նախորդ՝ Կոստա Ռիկայում սահմանված ռեկորդը և գրանցեցինք նորը։ Մեր նպատակն ի սկզբանե 6000 բաժակ կաթ մատուցելն էր, սակայն «Սիզընս» այգում 1 ժամվա ընթացքում 7469 մարդ մեկական բաժակ կաթ խմեց`6000-ի փոխարեն։

Ավելի քան 2000 շիշ՝ 0,75 լ տարողությամբ․ հենց այսքան անարատ ու մեր սեփական ֆերմայից ստացված կաթ է սպառվել Գինեսի ռեկորդի գրանցման համար։



Հազարավոր մարդիկ էին հավաքվել Սիզընս այգում՝ մասնակցելու Գինեսի ռեկորդի գրանցմանը և տոնելու հունիսի 1-ը՝ երեխաների պաշտպանության միջազգային օրը։ Ոգևորությունը մեծ էր անգամ ամենափոքրիկ երեխաների մոտ։ Մեզ համար կարևոր է, որպեսզի միշտ պատմենք և մարդիկ տեսնեն, թե ինչպես է ստացվում մեր կաթն ու կաթնամթերքը և որտեղից է գալիս։ Այդ պատճառով էլ այս տարի ևս մեր ֆերմայից Երևան էին եկել մեր կովերն ու հորթուկները՝ իրենց սիլոսացված ու թարմ անասնակերով, գյուղտեխնիկան և կաթ տեղափոխող նոր մեքենաները։ Ինչպես միշտ՝ նրանք ուշադրության կենտրոնում էին։



«Երեմյան Փրոդաքթս»-ի ինչպես բոլոր միջոցառումների և նախաձեռնությունների, այնպես էլ այս իրադարձության հիմքում մեր կարևոր առաքելությունն էր՝ նպաստել կաթի ամենօրյա օգտագործման մշակույթի զարգացմանը, տեղեկացնել մարդկանց «Երեմյան Փրոդաքթս»-ի անարատ կաթի մասին և պատմել կաթի և կաթնամթերքի օգտակարության մասին։ Մենք ցանկանում էինք, որ մարդիկ ևս մեկ անգամ համախմբվեն հենց այս կարևոր գաղափարի շուրջ։

«Երեմյան Փրոջեքթս» ընկերության հիմնադիր և գլխավոր տնօրեն Դավիթ Երեմյանը նշեց, որ ընկերությունը նպատակ ունի կոտրել այն կարծրատիպերը, որոնց պատճառով մեր հասարակությունում կաթ քիչ են օգտագործում․

«Ուրախ եմ և հպարտ, որ մեզ արդեն երկրոդ անգամ հաջողվեց Հայաստանում Գինեսի ռեկորդ գրանցել․ այսօր մենք միասին ՝ մեր քաղաքի բնակիչների ու հյուրերի հետ շատ կաթ խմելու համաշխարհային ռեկորդ սահմանեցինք։ Սա թե՛ մեր և թե՛ Հայաստանի համար մեծ ու աննախադեպ իրադարձություն է, ինչի առիթով շնորհավորում եմ բոլորիս», - ասաց Դավիթ Երեմյանը։



Ռեկորդը հավաստող փաստաթուղթը Դավիթ Երեմյանին հանձնեց Գինեսի համաշխարհային ռեկորդների պաշտոնական դատավոր Պրավին Պատելը, ով Հայաստան էր ժամանել հատուկ այս միջոցառման համար։ Նա ուշադրությամբ և մանրակրկտորեն հետևում էր բոլոր ընթակարգերի պահպանմանն ու սահուն ընթացքին․

«Այս ռեկորդի գրանցման էությունը ոչ միայն բաժակներով կաթի մատուցումն էր, այլև խիստ կանոնների պահպանումը։ «Երեմյան Փրոդաքթս»-ի թիմը, իսկապես, շատ մեծ ու պատասխանատու աշխատանք իրականացրեց, ամեն ինչ բարձր մակարդակով էր կազմակերպված։ Շատ ուրախ ենք, որ պահպանվեցին բոլոր կանոններն ու ընկերությունը գրանցեց Գինեսի ռեկորդը», - նշում է Պրավին Պատելը։

Գինեսի ռեկորդի սահմանումն էլ ուներ հստակ կանոններ․ յուրաքանչյուր մարդու ձեռքին հերթում սպասելիս դրվում էր հատուկ կնիք, դրանից հետո՝ անցնելով տաղավար, յուրաքանչյուրը պետք է խմեր մեկ բաժակ կաթ, որն իրեն մատուցում էին մեր սպասարկողները։ Այդ դեպքում միա՛յն գինեսի ռեկորդի ներկայացուցիչները իրավունք ունեին հատուկ սարքի միջոցով հաշվել տվյալ մարդու խմած կաթը։ Մենք հպարտությամբ ենք ասում, որ պահպանեցինք կանոններն ու սահմանեցինք ռեկորդը։



Նշենք նաև, որ միջոցառումն ուներ գեղեցիկ համերգային ծրագիր ու անակնկալ․ համերգային ծրագրի հատուկ հյուրը Կարո Այրումյանն էր, որ իր երգերով շատ բարձր տրամադրություն ապահովեց այգում ու ուրախացրեց բոլոր փոքրիկներին։

Հիշեցնենք, որ «Երեմյան Փրոջեքթս»-ն արդեն երկրորդ անգամ է Գինեսի ռեկորդ սահմանում։ 2018 թվականին ընկերության կողմից պատրաստված գաթան պաշտոնապես գրանցվեց Գինեսի համաշխարհային ռեկորդների գրքում՝ որպես «Աշխարհի ամենամեծ գաթա»։ Ռեկորդը նվիրված էր Երևանի 2800-ամյակին:

«Երեմյան Փրոդաքթս»-ի 450 գ թթվասերը կաթնամթերքի շուկայում է 2020 թ․-ից։ Այս տարիների ընթացքում այն հասցրեց դառնալ հազարավոր ընտանիքների սիրելի կաթնամթերքն ու նախընտրած թթվասերը՝ շնորհիվ իր համի, բարձր որակի և յուղայնության։ Մենք հաճախ էինք լսում մեր հավատարիմ սպառողներից, որ նրանք ավելի փոքր տարայով թթվասերին են սպասում։



Եվ հիմա ուրախ ենք ներկայացնել «Երեմյան Փրոդաքթս»-ի թթվասերի հագեցած ու իրական, նույնքան սիրելի համի արդեն երկար սպասված փոքր՝ 200 գ տարայով տարբերակը։

«Երեմյան Փրոդաքթս»-ի ինչպես մեծ տարայով, այնպես էլ 200 գ տարողությամբ թթվասերը 25% յուղայնություն ունի, ինչով էլ մենք առանձնանում ենք կանթամթերքի շուկայում։ Յուղայնության այս տարբերակը բացահայտում է թթվասերի իրական, հարուստ ու հագեցած համը։ Թթվասերի բարձր որակական և համային հատկանիշների գլխավոր երաշխիքն է սեփական ֆերմայից ստացվող անարատ կաթը։



«Սերմից՝ սեղան» հայեցակարգը հնարավորություն է տալիս արտադրել «Ա» կարգի կաթ, հետևաբար կաթնամթերքի մեր ողջ տեսականին նույնպես կայուն որակի և բարձրակարգ է։ Մեր թթվասերը նաև զերծ է գլյուտենից։

Եկեք նաև վերհիշենք թթվասերի օգտակարության մասին։ Թթվասերը պարունակում է վիտամին A, ինչը կարևոր է մեր տեսողության և իմունային համակարգի համար։ Թթվասերը հարուստ է ֆոսֆորով, ինչը կալցիումից հետո մեր օրգանիզմի մյուս կարևոր հանքանյութերից է և հատկապես կարևոր է ոսկորների ամրության համար։

Ի՞նչ կարելի է պատրաստել թթվասերով

Բոլորն ունեն թթվասերի օգտագործման իրենց սիրելի տարբերակն ու բաղադրատոմսերը։
Այն հնարավոր է վայելել և՛ առանց որևէ հավելյալ բաղադրիչների, և՛ կաթնաշոռով, և՛ համեղ բաղադրատոմսերում։
Այս անգամ շատ թեթև ու արագ պատրաստվող, բայց նաև համեղ ու օգտակար բաղադրատոմս ենք ուզում ձեզ ներկայացնել՝ նրբաբլիթներով տորթ՝ թթվասերային կրեմով։

Բաղադրիչներ

նրբաբլիթներ

• 3 ձու
• 40 գ «Երեմյան Փրոդաքթս»-ի հալած կարագ
• 225 գ ալյուր
• 500 մլ «Երեմյան Փրոդաքթս»-ի կաթ
• աղ
• կանաչ սոխ

Կրեմ

• 600 գ «Երեմյան Փրոդաքթս»-ի թթվասեր
• 3-4 պճեղ սխտոր
• 1 փունջ սամիթ

Ինչպես պատրաստել

Ալյուրն ու աղը խառնել, հերթով ավելացնել երեք ձուն և խառնել։ Գոլ կաթն ավելացնել աստիճանաբար, անընդհատ հարել, որպեսզի ստանանք համասեռ զանգված։ Ավելացնել հալած կարագն ու մանր կտրատած սոխը։ Թխել նրբաբլիթներ և պատրաստել կրեմը։

Խառնել թթվասերը, ճզմած սխտորն ու կտրատած սամիթը։ Հերթով՝ շերտ առ շերտ քսել կրեմն ու պահել սառնարանում մոտ կես ժամ, այնուհետև մատուցել։ Դե ինչ, բարի ախորժակ։

Որտե՞ղ գտնել մեր կաթնամթերքը

«Երեմյան Փրոդաքթս»-ն առաջարկում է անարատ կաթնամթերքի լայն տեսականի՝ բնական մաքուր կաթ, թթվասեր, մածուն, քամած մածուն, յոգուրտ, կաթնաշոռ, կարագ, ռեժան, ինչպես նաև պանրի տեսականի՝ լոռի, սուլուգունի, մոցարելլա, ռիկոտտա, բուրրատա, հալած պանիր։

Հիշեցնենք նաև, որ հոգ տանելով շրջակա միջավայրի մասին՝ «Երեմյան Փրոդաքթս»-ը մշակել է տարաների հետ վերադարձի ծրագիր։ Եվ ինչպես մեր մնացած ապակյա տարաները, այնպես էլ 200 գ թթվասերի տարաները կարող եք վերադարձնել՝ մինչև 20 տարայի դեպքում վճարելով առաքման համար, 20 և ավելի տարայի դեպքում առաքիչը կմոտենա, կվերցնի տարաներն ու կվճարի համապատասխան գումարը, ինչպես նաև տարաները կարող եք մոտեցնել մեր ֆիրմային խանութներ։

200գ տարայով թթվասերն արդեն վաճառվում է Երևանի սուպերմարկետներում, մեր ֆիրմային խանութներում՝ Թումանյան 21, «Լավաշ» ռեստորան և Ամիրյան 3/37, “Burgery Angus & More”, ինչպես նաև կարող եք պատվիրել առցանց՝ yeremyan.delivery կայքով։

«Երեմյան Փրոդաքթս»-ի հավատարիմ սպառողները հիշում են մեր բարձրորակ կարագի մասին․ այժմ ավանդական համով կարագը վերադարձել է։

Կարագը կամբողջացնի ձեր նախաճաշի տաք տոստը, յուրահատուկ համ կհաղորդի թխվածքաբլիթներին և ուտեստներին։ Իսկ մինչ այդ․․․

Ի՞նչ է կարագը:

Թե ինչ է կարագը, իհարկե, գիտենք բոլորս և մեր առօրյայում գրեթե ամեն օր կամ շատ հաճախ օգտագործում ենք այն։ Բայց մի փոքր մանրամասն ծանոթանանք կարագին։

Կարագը կաթնամթերքի տեսակ է, որը ստացվում է սերուցքի կամ խնոցիացված կաթի խմորումից։ Կարագն ունենում է 80-82% յուղայնություն։ Բարձրորակ և անարատ կաթը կարագը դարձնում է ավելի հարուստ, սերուցքային համով։ Հիշեցնենք, որ «Երեմյան Փրոդաքթս»-ի կաթը «Ա» կարգի է, ստացվում է մեկ աղբյուրից՝ «Սերմից՝ սեղան» հայեցակարգով, ինչն էլ հնարավորություն է տալիս վերահսկել կաթնամթերքի արտադրության բոլոր փուլերը։ Ինչպես մեր կաթը, այնպես էլ կաթնամթերքի ողջ տեսականին զերծ է գլյուտենից։ Մեր կաթը ստանում ենք սեփական խելացի ֆերմայից, որը հագեցած է ժամանակակից տեխնիկայով։

«Երեմյան Փրոդաքթս»-ի կարագը նույնպես պատրաստվում է մեր սպառողներին արդեն հայտնի «Սերմից՝ սեղան» հայեցակարգով․ հենց դա էլ մեզ թույլ է տալիս վստահաբար նշել, որ մեր կարագն իր որակով լավագույնն է շուկայում։

Կարագն ու մեր առողջությունը

Կարագը բարձր յուղայնություն ունի և երբեմն այդ պատճառով այն համարում են վնասակար առողջության համար, սակայն մենք արդեն խոսել ենք կաթի օգտակար հատկությունների մասին, որից պատրաստվում է կարագը։ Հետևաբար չափավոր և ճիշտ քանակությամբ կարագը նույնպես օգտակար է։ Կարագը պարունակում է վիտամին A, D, E և K, ինչպես նաև հանքանյութեր։ Բացի այդ, արոտավայրերում աճեցված անասնակերով սնվող կովերի կաթով պատրաստված կարագում սննդանյութերի քանակն ավելի բարձր է, օրինակ՝ օմեգա-3 ճարպաթթուները և հակաօքսիդանտները:

Շեֆ խոհարարները սիրում են կարագը

Խոհարարության մեջ տարիներ շարունակ կարագը կարևոր տեղ է զբաղեցնում։ Շատ շեֆ խոհարարներ վստահ են, որ կարագն ամեն ինչ է՛լ ավելի համեղ է դարձնում։ Խոհանոցում կարագն օգտագործելու բազմաթիվ տարբերակներ կան։ Բանջարեղենը տապակելուց մինչև միս պատրաստել․ կարագն ամեն ինչին հատուկ համ է հաղորդում։ Մեզնից շատերը կարագը հաճախ օգտագործում են որևէ բան թխելիս, քանի որ հացին, թխվածքին և առհասարակ աղանդերին այն հարուստ համ է փոխանցում։ Այցելեք մեր բաղադրատոմսերի էջը և տեսեք, թե ինչ կարող եք պատրաստել մեր ապրանքատեսականիով: Կարագի համար առաջարկում ենք փորձել մեր իտալական կանտուչչի բաղադրատոմսը:



Ուտեստին նուրբ համ ավելացնելու լավագույն տարբերակներից մեկը կարագին խոտաբույսեր, համեմունքներ կամ սխտոր ավելացնելն է։ Շատերիս սիրելի տարբերակներից մեկը կարագը պարզապես տաք հացով վայելելն է։ Վստահ ենք՝ «Երեմյան Փրոդաքթս»-ի կարագի ավանդական համը և մի կտոր տաք հացը կտեղափոխեն ձեզ մանկություն։

Եզրափակելով կարող ենք փաստել, որ կարագը խոհարարական աշխարհում «հավերժական» և միշտ սիրելի բաղադրիչ է։

«Երեմյան Փրոդաքթս»-ի կարագը

«Երեմյան Փրոդաքթս»-ի կարագը վերաբրենդավորվել է․ նոր, արծաթագույն և ավելի աչքի ընկնող տուփը կարող եք բացել հեշտությամբ, հանել կարագն ու դնել ափսեի մեջ, բացի այդ տուփը հարմարավետ է մնացած կարագը պահելու համար։

Որտե՞ղ գտնել

Մեր կարագը կարող եք գտնել «Երեմյան Փրոդաքթս»-ի ֆիրմային խանութներում՝ Թումանյան 21, «Լավաշ» ռեստորան և Ամիրյան 3/37, “Burgery Angus & More”, Երևանի սուպերմարկետներում, ինչպես նաև կարող եք պատվիրել առցանց՝ yeremyan.delivery կայքով։ Մեր կայքի «որտե՞ղ գտնել» բաժնում կարող եք ծանոթանալ սուպերմարկետների ցանկին, որտեղ առկա է մեր տեսականին։

 

«Երեմյան Փրոդաքթս»-ը Դուբայում փետրվարի 19-23-ը մասնակցում էր Gulfood 2024 սննդի և խմիչքի ամենամեծ միջազգային ցուցահանդեսին։

Gulfood-ը ոլորտի առաջատարներին և փորձագետներին համախմբող հարթակ է, որը հնարավորություն է տալիս հայ գործարարներին և արտադրողներին ներկայացնել իրենց պատմությունը, մշակութային հարուստ ժառանգությունը, հայկական խոհանոցը և յուրահատուկ արտադրանքը։ Gulfood ամենամյա ցուցադրությունն ունի մոտ 20 տարվա պատմություն և ամեն տարի ընդլայնում է մասշտաբները, ընդգրկում նոր երկրներ, ավելի շատ ընկերություններ ու ընդունում ավելի մեծաքանակ այցելուներ։



«Երեմյան Փրոջեքթս»-ի թիմը 5 օր շարունակ օտարերկրացի հյուրերին ներկայացնում էր ընկերության պատմությունը, ծրագրերն ու հաջողությունները, ինչպես նաև «Երեմյան Փրոդաքթս»-ի ապրանքատեսականին։ Նրանցից շատերը հաճելիորեն զարմանում էին՝ տեսնելով «Երեմյան Փրոդաքթս»-ի՝ «Սերմից՝ սեղան» հայեցակարգով ստացվող կաթնամթերքի բարձր որակը, երբեմն էլ համտեսելով իրենց քիմքին անծանոթ համերը։ Հայկական ռեժանը, մածունը, քամած մածունը, թանը, լոռի և թել պանիրները նրանք ուսումնասիրում և համտեսում էին մեծ հետաքրքրությամբ։



Ցուցահանդեսի 5 օրերի ընթացքում մեր տաղավարին էին մոտենում հազարավոր հյուրեր աշխարհի տարբեր ծայրերից՝ նախ նկատելով մեր կաթնամթերքի փաթեթավորումը և դիզայնը, իսկ համտեսելուց հետո անմիջապես զգում և գնահատում կաթնամթերքի բարձր որակն ու համը։ Հատկապես յոգուրտների փաթեթավորումը միանգամից գրավում էր բոլորին։

Այստեղ էլ «Երեմյան Փրոդաքթս»-ը ներկայանում էր որպես պրեմիում կարգի կաթնամթերք արտադրող ընկերություն․ մեր ապակյա տարաներն ու փաթեթավորումը, կաթնամթերքի համը ոլորտի մասնագետները ասոցացնում էին հենց պրեմիում կարգի հետ։



«Երեմյան Փրոդաքթս»-ի՝ «Սերմից՝ սեղան» հայեցակարգը տպավորում էր այցելուներին․ կաթնամթերքի ստացման միջազգային ճանաչում ունեցող այս հայեցակարգի մասին, իհարկե, կաթնամթերքի ոլորտի գիտակները լսել էին։ Տեսնելով մեր նորագույն տեխնոլոգիաներով հագեցած ֆերմաներն ու գործարանը, ինչպես նաև տեղում համտեսելով կաթնամթերքը, ոչ մի կասկած չէր մնում «Երեմյան Փրոդաքթս»-ի արտադրանքի բարձր որակի վերաբերյալ։ Մենք մանրամասն ցուցադրում և պատմում էինք մեր Տաշիրի անասնապահական նոր համալիրի, դրա տված հնարավորությունների և ավտոմատացված համակարգերի մասին։ Ներկայացնում էինք, որ սկսած մեր դաշտերում խոտը ցանելուց մինչև կովերի հատուկ խնամք և փակ ցիկլով կաթի տեղափոխում՝ մենք վերահսկում ենք հատուկ ուշադրությամբ և պատասխանատվությամբ։



Մեզ համար հաճելի էր հատկապես լսել արձագանքը մեր «Ա» կարգի անարատ կաթի մասին․ շատերը փորձելով «Երեմյան Փրոդաքթս»-ի կաթը, նշում էին, որ այնպիսի տպավորություն է, կարծես մինչ այդ իրական կաթ չէին խմել՝ այսքան հագեցած և բնական համով։

Այս ցուցահանդեսը բազմաթիվ նոր ծանոթությունների և համագործակցության հետագա հնարավորությունների հարթակ էր՝ հայկական բարձրորակ արտադրանքը ներկայացնելու ԱՄԷ-ում և աշխարհի տարբեր երկրներում, որտեղ հայաստանյան շուկան գրեթե ներկայացված չէ։

Ծանոթանալով աշխարհի տարբեր երկրներից եկած գործարարների, դիստրիբյուտորների հետ՝ «Երեմյան Փրոջեքթս»-ի գլխավոր տնօրեն Դավիթ Երեմյանը և մեր մյուս թիմակիցները հետաքրքրված գործարարների հետ անհատական քննարկումներ և հանդիպումներ էին ունենում՝ լսելով նրանց առաջարկներն ու համագործակցության հնարավոր ուղիները։



Մեր թիմը նույնպես շրջում էր ցուցահանդեսի տարածքով, ծանոթանում տաղավարներին, ուսումնասիրում կաթնամթերքի համաշխարհային շուկան, զարգացման նոր տենդենցներն ու պահանջները։ Եվ այս ամենը ևս մեկ անգամ ապացուցեց, որ մեր ընտրած ուղին ճիշտ է․ մնում է շարունակել պահել մեր արտադրանքի բարձր որակն ու մեր իսկ սահմանած նշաձողը, ավելացնել ծավալները, որովհետև աշխարհում մեծ է պրեմիում կաթնամթերքի պահանջարկը։

Հայկական արտադրությունն ու դրա պատմությունը երկրի սահմաններից դուրս ներկայացնելը «Երեմյան Փրոջեքթս»-ի թիմի համար մեծ պատիվ և պատասխանատվություն է։ Մեր թիմը ամբողջ աշխարհի խոշորագույն արտադրողների ու բիզնեսների կողքին, հազարավոր այցելուների ու հայտնի ընկերությունների ղեկավարներին ներկայացնում էր մեր բարձրորակ արտադրանքը, կիսվում հաջողության պատմությամբ և Հայաստանը ներկայացնում որպես երկիր, որը համաշխարհային բիզնես և արտադրության մոդելների կիրառման հաջողված փորձ ունի:

«Երեմյան Փրոդաքթս»-ը վերջին 4 տարիներին սպառողներին առաջարկում է որակյալ ու անարաթ կաթ և կաթնամթերքի տեսականի։ Մենք կարևորել ենք սպառողների պահանջները, հարմարավետությունն ու ամեն օր անարատ կաթնամթերք օգտագործելու առողջ սովորության ձևավորումը։

Մեր՝ «Սերմից՝ սեղան» հայեցակարգի շնորհիվ մենք հատուկ ուշադրությամբ և պատասխանատվությամբ վերահսկում ենք կաթնամթերքի արտադրության ողջ գործընթացը՝ սերմը ցանելու պահից մինչև կաթնամթերքի հայտնվելը ձեր սեղանին։

Ինչու՞ է պետք փոքր կաթը:

Մեր հավատարիմ սպառողները գիտեն, որ մեր սեփական ֆերմայում ստացվող կաթը «Ա» կարգի է և զերծ է գլյուտենից։

Հիմա մենք ուրախությամբ ներկայացնում ենք «Երեմյան Փրոդաքթս»-ի 250 մլ տարողությամբ անարատ ու որակյալ կաթը։ Այս կաթը 3․2% յուղայնություն ունի։ Ի դեպ, ընդամենը 200 մլ կաթը լրացնում է չափահաս մարդու սպիտակուցների անհրաժեշտ քանակության 14%-ը։

«Երեմյան Փրոդաքթս»-ի արդեն սիրելի դարձած, «Ա» կարգի կաթն այժմ առավել հարմարավետ է ձեզ հետ ամենուր վերցնելու համար։ Նոր, փոքրիկ շիշը կարելի է դնել պայուսակում․ օրվա ցանկացած ժամի և ամենուր կարող եք վայելել ձեր բաժին մեկ բաժակ կաթը, ստանալ վիտամինների և սպիտակուցների կարևոր չափաբաժինը։ Կյանքի արագընթաց ռիթմում սա հիանալի լուծում է միշտ թարմ կաթնամթերք օգտագործելու համար։



Կարծում ենք, որ կաթի շշի փոքրիկ տարբերակը կսիրեն նաև երեխաները։ Առավոտը մեկ բաժակ կաթով սկսելու սովորույթը կարելի է ձևավորել հենց այս տարբերակով։ Սա լավ տարբերակ է նաև երեխաների նախաճաշի համար։ Բացի այդ, կաթի օգտագործումը նպաստում է երեխաների առողջ աճին և ամուր ոսկորներ ունենալուն․ 250 մլ կաթի մեջ կա 10 գրամ սպիտակուց։

Առավոտը մեկ բաժակ անարատ կաթով սկսելը ձևավորում է ամեն օր կանթնամթերք օգտագործելու առողջ մշակույթը։ «Երեմյան Փրոդաքթս»-ը կարևորում է այդ սովորությունն ու ռեստորաններում նախաճաշին մեկ բաժակ կաթ հյուրասիրում։



Կաթը հիանալի միջոց է կալիում, B12, կալցիում և վիտամին D ստանալու համար։ Բացի այդ, կաթը վիտամին A-ի, ցինկի, մագնեզիումի, օմեգա-3 ճարպաթթուների լավ աղբուր է։

Եվ չմոռանանք, որ կաթը նաև վիտամինների մեծ աղբյուր է, այն օգտակար է առողջությանը, ու շատ մասնագետներ կաթը համարում են «սուպերսնունդ»։ Խոսքը, իհարկե, անարատ կաթի մասին է, որի ստեղծման յուրաքանչյուր փուլը վերահսկվում է հատուկ ուշադրությամբ։

Որտե՞ղ Գտնել

Մեր նոր 250 մլ կաթն արդեն վաճառվում է Երևանի սուպերմարկետներում, ինչպես նաև մեր ֆիրմային խանութներում՝ Թումանյան 21, «Լավաշ ռեստորան», Ամիրյան 3/37, “Burgery Angus & More”։

Բացի այդ, կաթը և մեր ողջ ապրանքատեսականին կարող եք պատվիրել առցանց, կամ զանգահարել՝ 010 600 006

Եվ վերջում՝ կաթը սեր է և մենք ուրախ ենք կիսել այն ձեզ հետ ամեն օր։

 

«ՇԱ՜Տ ԿԱԹԸ ՇԱ՜Տ ՍԵՐ Է» խորագրով 2023թ․-ին մայիսի 27-ին «Երեմյան Փրոդաքթս»-ն անցկացրեց Հայաստանում կաթի առաջին և ամենամարդաշատ հյուրասիրությունը, որի ընթացքում խմվեց 5000 բաժակ կաթ։



«Երեմյան Փրոդաքթս»-ի՝ «Կաթը սեր է» կարգախոսն արդեն երեք տարի է՝ արտահայտում է մեր սերը, նվիրումն ու պատասխանատվությունը սպառողների հանդեպ, և պատահական չէ, որ կաթի ամենամեծ հյուրասիրության համար ընտրվեց մեր կարգախոսի փոփոխված՝ «ՇԱ՜Տ ԿԱԹԸ ՇԱ՜Տ ՍԵՐ Է» տարբերակը։ Սա հազարավոր մարդկանց հետ մեր սերը կիսելու ևս մեկ հիանալի առիթ էր։



«Երեմյան Փրոդաքթս»-ն իր սպառողների հանդեպ մեծ պատասխանատվությամբ և հոգատարությամբ նոր մշակույթի սկիզբը դրեց։ Մենք ցանկանում ենք բարձրորակ կաթի և կաթնամթերքի օգտագործումը դարձնել մարդկանց առօրյայի անբաժան մասը՝ նպաստելով ավելի առողջ ապագայի ձևավորմանը։

Մենք ապահովում ենք մեր կաթի և կաթնամթերքի բարձր որակը մեր «սերմերից սեղան» հայեցակարգի շնորհիվ: Այն թույլ է տալիս լիովին վերահսկել արտադրական գործընթացը՝ սերմը ցանելու պահից մինչև այն պահը, երբ կաթնամթերքը հասնում է ձեր սեղանին:

Այսօր մեր յուրաքանչյուր գաղափարի, ամեն քայլի ու նախաձեռնության հիմքում հենց այդ տեսլականն է։ Եվ պատահական չէ, որ Հայաստանում կայուն, որակյալ կաթնամթերք արտադրող «Երեմյան Փրոդաքթս»-ը մայրաքաղաքի սրտում կազմակերպեց կաթի ամենամարդաշատ հյուրասիրությունը։



«Երեմյան Փրոդաքթս»-ն առաջարկում է կաթնամթերքի լայն տեսականի, որը ներառում է կաթ, կաթնաշոռ, ռիկոտտա, սերուցք, թթվասեր, մածուն, քամած մածուն, թան, հալած պանիր, սուլուգունի, մոցարելլա և լոռի պանիր:

Սիրառատ միջոցառումն իր շուրջն էր համախմբել հազարավոր երևանցիների, քաղաքի հյուրերի և զբոսաշրջիկների, ովքեր մեծ ոգևորությամբ էին եկել կիսելու սերը։ Հատկանշական է, որ հյուրերից շատերը մարզերից եկել էին հատուկ մեր միջոցառմանը մասնակցելու համար։ Թեև ի սկզբանե նախատեսված էր, որ հյուրասիրելու ենք 3000 բաժակ կաթ, սակայն արդյունքում 5000 բաժակ կաթ հյուրասիրեցինք։

Միջոցառումն աննախադեպ էր նրանով, որ «Երեմյան Փրոդաքթս»-ի ֆերման ևս եկել էր Երևան՝ կովիկների ու հորթուկների հետ միասին։ Ֆերմայի աստղերը՝ կովերը, ամբողջ ընթացքում հյուրերի, երեխաների ուշադրության կենտրոնում էին․ չէ՞ որ ամեն օր չենք Երևանի կենտրոնում ազնվացեղ կովերի ու հորթուկների հանդիպում։ Ծաղիկը, Պայծառն ու Խատուտիկը մեր ֆերմայի ամենաբարձր կաթնատվությամբ կովերն են․ նրանք օրական մինչև 35 լիտր կաթ են տալիս։



Seasons Park-ում ներկայացված էին նաև գյուղտեխնիկան և կաթ տեղափոխող մեքենան։ Սա միջոցառման ամենահետաքրքրական և գրավիչ հատվածներից մեկն էր թե՛ մեծերի, թե՛ փոքրերի համար։ Շատ զբոսաշրջիկների համար էլ անակնկալ էր միջոցառումը, նրանց խոսքով՝ առաջին անգամ էին նման միջոցառման մասնակցում, քաղաքի կենտրոնում հորթուկներ ու կովեր տեսնում։ Շատերն էլ առաջին անգամ էին փորձում «Երեմյան Փրոդաքթս»-ի կաթն ու ուրախությամբ հայտնում՝ հավանել են ու անպայման կդարձնեն իրենց սննդակարգի մի մասը։ Իսկ մենք խոստացանք գեղեցիկ ավանդույթ դարձնել նմանատիպ մասշտաբային ու նորարարական միջոցառումները, միշտ զարմացնել մեր սպառողներին ինչպես բարձրորակ արտադրանքով, այնպես էլ անակնկալներով ու նոր գաղափարներով։



Այդ օրվա ընթացքում շուրջ 20,000 մարդ ծանոթացավ «Երեմյան Փրոդաքթս»-ի տեսլականին, արժեքներին և արտադրանքին, ֆերմայի աշխատանքին և կովիկներին։ Միջոցառման երկրորդ և ամենասպասված հատվածը, իհարկե, կաթի հյուրասիրությունն էր։ Իսկ վերջում ևս մեկ անակնկալ ունեինք՝ «Hayat Project»-ն իր երաժշտությամբ ապահովեց բարձր տրամադրությունը․ հյուրերն ուրախ էին և անկեղծորեն կիսվում էին՝ անհամբեր սպասում են «Երեմյան Փրոդաքթս»-ի հետ հաջորդ հանդիպմանը։



Միջոցառման կարգախոսն էր «ՇԱ՜Տ ԿԱԹԸ ՇԱ՜Տ ՍԵՐ Է», քանի որ «Երեմյան Փրոդաքթս»-ի աշխատանքի կոնցեպտի հիմքը սերն է՝ յուրաքանչյուր արտադրանք ամբողջ թիմի սիրո և նվիրումի արդյունքն է, և չմոռանանք, որ կաթը սեր է և մենք ուրախ ենք կիսել այն ձեզ հետ ամեն օր։

«Երեմյան Փրոդաքթս»-ը ստեղծվեց՝ հիմքում համարձակ նպատակ ունենալով. հանրությանն ապահովել որակապես կայուն և անարատ կաթնամթերքով, ամեն օր կաթնամթերք օգտագործելը դարձնել մարդկանց կենսակերպը․․․



«Երեմյան Փրոդաքթս»-ի կաթը ստացվում է մեկ աղբյուրից՝ բացառելով մարդկային միջամտությունը։ Մեր «Սերմից՝ սեղան» հայեցակարգը հնարավորություն է տալիս վերահսկել կաթի և կաթնամթերքի արտադրության բոլոր փուլերը՝ մեր հողատարածքում սերմը ցանելուց մինչև կաթնամթերքի հայտնվելը ձեր սեղանին։

Առավոտյան մեկ բաժակ կաթով սկսելու մշակույթը

Սննդարար ու ճիշտ ընտրված մթերքներով նախաճաշը առողջ լինելու կարևոր պայմաններից է։ Օրինակ, առավոտյան մեկ բաժակ կաթ խմելը օրը սկսելու լավագույն տարբերակներից է։ Ինչո՞ւ հենց կաթ․ կաթը մարդու օրգանիզմի համար կարևոր վիտամինների և հանքանյութերի մեծ աղբյուր է, այդ թվում՝ կալցիումի, սպիտակուցի և կալիումի։



Մենք ցանկանում ենք կաթի օգտագործումը դարձնել մարդկանց առօրյայի անբաժան մասը։ Հենց այդ նպատակը հետապնդելով մենք սկսեցինք «Լավաշ», «Շերեփ», «Սիզընս Սվիթլենդ» և «Սիզընս» ռեստորաններում առավոտյան մեկ բաժակ կաթ հյուրասիրելու մշակույթը։ Մեր հյուրերը առավոտյան մեր ռեստորաններում նախաճաշելիս իրենց օրը սկսում են մեկ բաժակ անարատ կաթով։ Մեկ տարվա ընթացքում ավելի քան 68․000 բաժակ կաթ ենք հյուրասիրել և շարունակում ենք այդ ավանդույթը։

Եվ չմոռանանք, որ կաթը սեր է, և մենք ուրախ ենք կիսել այն ձեզ հետ ամեն օր։

Հոկտեմբերի 28-ին Լոռու մարզի Տաշիր համայնքում տեղի ունեցավ «Երեմյան Փրոջեքթսի»՝ իր տեսակի մեջ առաջին ու եզակի անասնապահական խոշոր համալիրի պաշտոնական բացումը։
Բացման արարողությանը ներկա էին ՀՀ կառավարության, Եվրասիական զարգացման բանկի և գործընկեր այլ կազմակերպությունների ներկայացուցիչներ, և «Երեմյան Փրոջեքթսի» թիմի անդամներ։

Ներդրումային այս խոշոր ծրագիրը մեկնարկել էր 2022 թվականին, երբ ՀՀ կառավարությունը, Եվրասիական զարգացման բանկը (ԵԱԶԲ), և «Երեմյան ֆարմը» համագործակցության հուշագիր ստորագրեցին։ Հուշագրով ամրագրված համագործակցության նպատակն է ապահովել Հայաստանի Հանրապետության պարենային անվտանգությունն ու կայուն տնտեսական զարգացումն ագրոարդյունաբերության ոլորտում։

Ներդրումային ծրագրի շրջանակում Տաշիր համայնքում ձեռք է բերվել մոտ 300 հեկտար վարելահող, և 32 հեկտար տարածության վրա շուրջ 70 հազար քմ. տարածք է կառուցվել ու կահավորվել։ Շինարարական աշխատանքները տևել են 14 ամիս.
«Նման ժամկետներում այսպիսի արդյունք ապահովելը, մեկ բառով ասած՝ ֆանտաստիկա է։ Եվ ուզում եմ շնորհակալություն հայտնել մեր ամբողջ թիմին, որը, իրոք, արել է անհնարինը։ Թիմն էր այն շարժիչ ուժը, որն ինձ ստիպեց հավատալ մեր ուժերին, ոգեշնչեց ու համոզեց, որ մենք կարող ենք, մենք ի զորու ենք։ Եվ հենց նրանց ամենօրյա նվիրված ու պատասխանատու աշխատանքի շնորհիվ մենք այս արդյունքն ունենք», - ասաց «Երեմյան Փրոջեքթս» ընկերության գլխավոր տնօրեն Դավիթ Երեմյանը։



Անասնապահական համալիրը բաղկացած է տավարաբուծական ֆերմայից, որն իր հերթին ունի անասնապահական գոմերի 2 մասնաշենք (1500 գլուխ կենդանու համար, որոնք օրական 40-45 հազար լիտր կաթ են ապահովելու) շրջանաձև ավտոմատ կթարան, կերաղաց և կերախառնուրդի պահեստ, գյուղատնտեսական մեքենաների կայանատեղի, չոր խոտի ընդարձակ պահեստ, սիլոսի, գոմաղբի հեռացման հորեր։ Անասնապահական համալիրի խոզաբուծական ֆերման (580-600 մայր խոզերի համար, որոնք տարվա կտրվածքով 17 000 գլուխ կենդանի են տալու) ունի 3 անասնապահական գոմեր, կերաղաց և կերախառնուրդի պահեստ, գոմաղբի հեռացման հորեր։ Բոլոր միավորներն ունեն ադմինիստրատիվ մասնաշենքեր, որոնք ներառում են հարմարավետ և ժամանակակից սարքավորումներով կահավորված գրասենյակ, ընդարձակ և լուսավոր հանդիպումների սրահ, առանձին աշխատասենյակներ, խոհանոց:

Ներդրումային այս Ծրագիրն իրականացվում է Եվրասիական զարգացման բանկի, ինչպես նաև Հայաստանի կառավարության ֆինանսական աջակցությամբ, որը «ՀՀ անասնաբուծության ոլորտում իրականացվող ներդրումային ծրագրերի աջակցություն» ծրագրի շրջանակում մասնակիորեն սուբսիդավորել է սույն նախագծի ներդրումային ծախսերը։
«Կառավարությունը կարևորում է Հայաստանի Հանրապետությունում ներդրումային խոշոր ծրագրերի իրականացումը, որոնք միտված են նպաստել պարենային անվտանգության ապահովմանն ու ագրոարդյունաբերության ոլորտում կայուն տնտեսական զարգացմանը։ Կրկնակի ողջունելի է, երբ նման ծրագրերն իրականացվում են պետություն-մասնավոր համագործակցության շրջանակում։ Էկոնոմիկայի նախարարության անունից հայտնում եմ մեր պատրաստակամությունը հնարավորինս աջակցել նման խոշոր նախաձեռնությունների իրականացմանը։ Վստահ եմ, բարձրակարգ, գերժամանակակից սարքավորումներով հագեցած այս ֆերման լավ օրինակ կծառայի մեծ և փոքր ֆերմերային ընկերությունների համար, թե ինչպես պետք է զբաղվել բարձր արտադրողական գյուղատնտեսությամբ», - նշել է ՀՀ Էկոնոմիկայի նախարար Վահան Քերոբյանը։



«Երեմյան Փորջեքթսի» նախագիծը նշանակալի ներդրում է պարենային անվտանգության ապահովման և ագրոարդյունաբերական համալիրի զարգացման գործում, և մենք ուրախ ենք դրանում մասնակիցը լինելու համար: Ընթացիկ ռազմավարական շրջանում ԵԱԶԲ-ն հատուկ ուշադրություն է դարձնում Հայաստանի Հանրապետությունում իրականացվող նախագծերին։ Անցած տարվա ընթացքում, բացի ագրոարդյունաբերական համալիրից, մեզ հաջողվեց զգալիորեն մեծացնել մեր պորտֆելը երկրի համար այնպիսի կարևոր ոլորտներում, ինչպիսիք են էներգետիկան և արդյունաբերությունը»,- նշել է ԵԱԶԲ խորհրդի նախագահ Նիկոլայ Պոդգուզովը։
Դավիթ Երեմյանի խոսքով՝ սա աննախադեպ նախագիծ է թե՛ Հայաստանի և թե՛ ոլորտի համար.
«Տվյալ ծրագրի շրջանակներում «Երեմյան Փրոջեքթսը» ներդրումներ է կատարում Հայաստանի երկու մարզում՝ Երևան քաղաքում կառուցվում է ժամանակակից կաթի վերամշակման գործարան, և Լոռու մարզի Տաշիր համայնքում կառուցվել է անասնապահական համալիր», - նշել է Դավիթ Երեմյանն ու հավելել,- «Ես մշտապես ասել եմ, որ այս նախագիծն ինձ համար անձնապես, ինչպես նաև «Երեմյան Փրոջեքթս» ընկերության համար պատվի հարց է, և ես ուրախ եմ ու հպարտ, որ մենք կարողացանք այդ պատիվը բարձր պահել, և այսօր ձեր դատին ենք հանձնում ոչ միայն Հայաստանում, այլև տարածաշրջանում իր տեսակի մեջ եզակի անասնապահական համալիր։ Այս ծրագրով մենք նաև մեծ պատասխանատվություն էինք ստանձնել Հայաստանում զարգացնել թե՛ ժամանակակից անասնապահության և կաթնամթերքի արտադրության և թե՛ կաթնամթերքի սպառման նոր մշակույթ։ Եվ այսօր, նախագծի արդյունքում՝ ունենալով այսպիսի մասշտաբների, այս որակի, այսպիսի սարքավորումներով ու տեխնոլոգիաներով հագեցած գերժամանակակից ֆերմա, մենք վստահ կարող ենք խոսել մեր առջև դրված խնդիրն ամբողջապես կատարելու մասին։ Նման ֆերմերային տնտեսվարումն առաջին հերթին պարենային անվտանգության ապահովման խնդիր է լուծում, ինչը մեր նպատակներից մեկն էր»։

Համալիրը ևս գործելու է «Սերմից՝ սեղան» փակ շղթայով, ինչի արդյունքում ապահովվելու է բարձրակարգ կաթի ու կաթնամթերքի արտադրությունը, մատակարարումն ու սպառումը․
«Փակ ցիկլի ապահովման և բարձրակարգ կաթի երաշխիքներից մեկը կերն է, դրա արտադրությունը։ Մենք համալիրի տարածքում ունենք սեփական հողատարածքներ, որտեղ ինքներս ենք ցանում սերմը, սեփական կերաղացում մշակում ենք այն և մատակարարում կենդանիներին։ Հաջորդ կարևոր փուլը կաթի ճիշտ վերամշակումն է, փաթեթավորումը և պատշաճ կերպով սպառողներին ներկայացնելը։ Այս բոլոր փուլերից հետո միայն ամբողջացվելու է մեր փակ ցիկլը։ Տվյալ փուլերից յուրաքանչյուրի ուղղությամբ պետք է շարունակենք հետևողական լինել, աշխատենք ճիշտ մոտեցումներով, որպեսզի ունենանք որակյալ արտադրանք», - ասաց Դավիթ Երեմյանը։
Այս նախագիծը հնարավորություն է տվել այս մեկ տարվա ընթացքում ապահովել նաև մարզի զբաղվածությունը, քանի որ շինարարության ընթացքում հիմնական աշխատուժը Լոռու մարզի բնակչությունն է եղել։ Անասնապահական համալիրի գործարկման արդյունքում կստեղծվի մինչև 120 աշխատատեղ։

Դավիթ Երեմյանի խոսքով՝ միակ խնդիրը մասնագետների բացն ու պակասն է եղել, իսկ դա էլ այն պատճառով, որ նախկինում Հայաստանում այս մասշտաբների ու այս պահանջներով ֆերմաներ չեն կառուցվել․ «Ցավոք, մեր երկրում պրոֆեսիոնալ անասնապահությամբ մարդիկ չեն զբաղվել, և դրա արդյունքն էլ այն հետևանքներն են, որոնք նշեցի։ Բայց մենք մեր արտասահմանյան գործընկերների հետ կարողացել ենք լրացնել այդ բացը։ Նրանք այս բարդ ճանապարհին մեր կողքին են եղել, օգնել իրենց մասնագիտական հմտություններով, փորձով ու խորհուրդներով։
Մենք Հայաստանի ֆերմերային տնտեսության մեջ նոր մոտեցումներ ենք ներդնում։ Մեր համալիրում չկան ո՛չ կթվորուհիներ, ոչ գոմապահներ, այստեղ աշխատանքն ավելի շատ մասնագիտական գիտելիք ու հմտություն է պահանջում։ Մեր կթի օպերատորները, կենդանիների խնամքի պատասխանատուներն այսօր բարդ և շատ գնահատելի աշխատանք են կատարում, որն իրենցից պահանջում է ամբողջովին փոփոխել մոտեցումները, վերապատրաստվել և սովորել նորը», - ասաց Դավիթ Երեմյանը։

2022 թվականին սկսվեցին «Երեմյան Փրոջեքթս»-ի՝ Լոռու մարզի Տաշիր համայնքի Հայաստանում նման մոդելով ու մասշտաբներով առաջին անասնապահական խոշոր համալիրի շինարարական աշխատանքները։

«Երեմյան Ֆարմ»-ի անասնապահական 30 հեկտարից ավելի տարածք ընդգրկող համալիրը ներառում է խոշոր եղջերավոր կենդանիների և խոզերի համար նախատեսված ֆերմաներ, սպանդանոց՝ երկու ֆերմաների համար, կերախառնուրդի պահեստ, կերային կուլտուրաների աճեցման համար նախատեսված հողատարածք, ավտոմատ կիթի գերժամանակակից սրահ, գյուղատնտեսական մեքենաների կայանատեղի և այլ անհրաժեշտ ենթակառուցվածքներ։
«Երեմյան Փրոջեքթս» ընկերության գլխավոր տնօրեն Դավիթ Երեմյանի խոսքով՝ այս ծրագրի նպատակը ՀՀ-ում պարենային անվտանգության, գյուղատնտեսության և տնտեսական զարգացման ապահովումն է։

Տաշիրի մեր նոր ֆերմայում նախատեսվում է քիչ արտադրողականությամբ կենդանիների փոխարինում ավելի բարձր արտադրողականությամբ կենդանիներով, ինչպես նաև մսամթերքի և կաթնամթերքի արտադրության մեծացում։ Իսկ նորարարական տեխնոլոգիաների կիրառմամբ ագրոարդյունաբերական համալիրի արդիականացումը կապահովի բարձրորակ գյուղմթերքի արտադրություն։

«Երեմյան Փրոջեքթս»-ը Հայաստանում ժամանակակից անասնաբուծության և կաթնամթերքի արտադրության նոր մշակույթ զարգացնելու մեծ պատասխանատվություն է ստանձնում, քանի որ մենք ստեղծելու ենք վերջին սերնդի տեխնոլոգիաներով հագեցած ֆերմաներ և նպաստելու ենք տավարաբուծության զարգացմանը։