Բաղադրատոմսեր
30
Իտալական կանտուչչի
Պատրաստման եղանակը
- Քայլ 1: Բոլոր չոր բաղադրիչները խառնել իրեր
- Քայլ 2: Ավելացնել կարագը, ձեռքով տրորել էնպես, որ ստացվի համասեռ զանգվածից
- Քայլ 3: Ավելացնել ձվերը և հունցել խմոր
- Քայլ 4: Վերջում ավելացնել նուշը, տրորել խմորի մեջ։
- Քայլ 5: Ձևավորել 2 երկար բատոններ
- Քայլ 6: Թողնել 15-20 րոպե հանգստանան։
- Քայլ 7: Ուղարկել ջեռոցը 180 աստիճանում թխվելու։
- Քայլ 8: Երբ խմորեղենը պատրաստ է հանել այն ջեռոցից, թողնել սառչի։
- Քայլ 9: Կտրել լայնական կտրվածքով ու 10 րոպե նորից թխել ջեռոցում, որպեսզի լայնական կտրվածքը նույնպես կարմրի։
- Քայլ 10: Թողնում ենք թխվածքաբլիթները սառչեն ու վայելում ենք մեկ բաժակ սուրճի հետ
5
Պուդինգ Չիայի Սերմերով և Յոգուրտներով
Պատրաստման եղանակը
- Քայլ 1: Չիայի սերմերը թրջել յոգուրտով
- Քայլ 2: Թողնել 15-20 րոպե՝ մինչև սերմերը կուռչեն։
- Քայլ 3: Ավելացնել ջեմը, ընկույզը կամ գրանոլան։
- Քայլ 4: Վայելեք համեղ նախաճաշը։
Այս չիա պուդինգը կարելի է պատրաստել նախօրոք։ Եթե դուք սիրում եք առավոտյան մի փոքր երկար քնել, ապա կարող եք խառնել չիայի սերմերը և յոգուրտը, ծածկել այն և դնել սառնարանը։
Այս պուդինգը հիանալի առողջ նախաճաշ է՝ սպիտակուցներով և պրոբիոտիկներով հարուստ:
Բարի ախորժակ:
15
Խնձորով եւ դարչինով խմորեղեն
Պատրաստման եղանակը
- Քայլ 1: Պատրաստեք միջուկը․ կեղևազրկեք և կտրատեք խնձորը, վրան ավելացրեք 50գ կոկոսի շաքարավազ և աղացած դարչին, մեխակ ու անիսոն խառնուրդը։
- Քայլ 2: Պատրաստեք խմորը։ Հարեք ձուն և 100գ շաքարավազը։ Հետո ավելացրեք ռեժանը, թթվասերը, մաղած ալյուրն ու փխրեցուցիչը։
- Քայլ 3: Թխման տարայի մեջ տեղափոխեք խմորի 2/3-ը, ավելացրեք համեմունքներով խնձորը և ծածկեք այն խմորի 1/3-ով։ Խմորեղենը կարող եք զարդարել ընկույզով։
- Քայլ 4: Թխեք խմորեղենը 180 աստիճան տաքացված ջեռոցում։ Ստուգեք եփվածությունը՝ փոքրիկ փայտիկը դնելով խմորեղենի կենտրոնում․ եթե մաքուր է դուրս գալիս, այն պատրաստ է։
- Քայլ 5: Վայելե՛ք խնձորով և դարչինով խմորեղենը մեկ բաժակ տաք թեյով և հաճելի երաժշտությամբ։
Հուսով ենք, որ դուք կհավանեք մեր բաղադրատոմսը:
15
Դդմիկով ռոլեր
Պատրաստման եղանակը
- Քայլ 1: Շատ բարակ, հորիզոնական կտրատեք դդմիկը։
- Քայլ 2: Տապակեք բուսայուղի մեջ և անձեռոցիկով հեռացրեք ավելորդ բուսայուղը։
- Քայլ 3: Ռոլերի միջուկի համար խառնեք հալած պանիրը, թթվասերը, մանր կտրատած սամիթը, սխտորը և քերած ձուն։ Վերջում ավելացրեք աղն ու պղպեղը և խառնեք մինչև համասեռ զանգված դառնալը։
- Քայլ 4: Դդմիկի տապակած շերտերը երկու կողմից թաթախեք քերած պարմեզանի մեջ։
- Քայլ 5: Լցոնեք դդմիկն ու փաթաթեք ռոլի տեսքով։ Կարող եք մատուցել։
Հեշտ էր, այնպես չէ՞․ ընդամենը 5 քայլ և ընթրիքի համար հիանալի ու համեղ նախուտեստ ունեք։
15 min
Պիստակով Պանա կոտա
Պանա կոտա դեսերտի մասին, վստահ ենք, լսել եք կամ գոնե մեկ անգամ տեսել եք, թե ինչպես են պատրաստում։ Հիշեցի՞ք՝ որքան ախորժելի ու համեղ տեսք ուներ։
Դե՜, արի միասին պատրաստենք պանա կոտա՝ շատ հեշտ ու արագ բաղադրատոմսով, բայց ոչ թե սովորական, այլ պիստակով պանա կոտա։ Դասական տարբերակից մի փոքր էլ շեղվելով՝ մենք այն կպատրաստենք կաթով՝ առանց որևէ սերուցքային կրեմի։
Պատրաստման եղանակը
- Քայլ 1: Տաքացրեք կաթը գազօջախին, բայց չթողնեք, որ այն եռա։ Կաթը հարկավոր է ժելատինը լուծելու համար։ Չափեք կաթը փոքր սուրճի բակաժով և ավելացրեք ժելատինին։
- Քայլ 2: Մնացած կաթը հարեք կոկոսի շաքարի հետ։ Այնուհետև ավելացրեք պիստակի կարագն ու վանիլը։ Հարեք մինչև միասեռ զանգված ստանալը։ Ավելացրեք ժելատինը, որ ավելի վաղ խառնել էիք խաթով։
- Քայլ 3: Լցրեք պանա կոտան ձեր նախընտրած բաժակի կամ տարայի մեջ։
- Քայլ 4: Պանա կոտան մի քանի ժամ թողեք սառնարանում՝ մինչև պնդանալը։ Կարելի է անգամ մեկ օր առաջ պատրաստել պանա կոտան և ամբողջ գիշեր թողնել սառնարանում։ Պանա կոտան գեղեցիկ զարդարելու բազմաթիվ տարբերակներ կան, բայց այս անգամ մենք աղանդերի վրա կցանենք մատչայի փոշի և պիստակի քերուկ։
- Քայլ 5: Վայելե՛ք պիստակով Պանա կոտան։
Դե, ինչպես տեսնում եք՝ Պանա կոտան պատրաստելը, իրոք, բավականին հեշտ է։
Պանա կոտան նուրբ և էլեգանտ իտալական աղանդեր է։ Նուրբ համն ու թեթևությունն այն իդեալական են դարձնում ցանկացած առիթի համար։ Առաջին հայացքից պանա կոտա պատրաստելը բավականին բարդ է թվում, բայց իրականում շա՜տ հեշտ է։ Այն և՛ առօրյա, թեթև աղանդեր է տանը պատրաստելու համար, և՛ մատուցվում է բարձրակարգ ռեստորաններում։
Պանա կոտան կարող է լինել դասական վանիլային, շոկոլադե, սուրճով, հատապտուղներով կամ կարամելի համով։ Եթե պիստակի սիրահար չեք, ինչպես առաջարկել ենք մեր բաղադրատոմսում, այն կարող եք փոխարինել ձեր նախընտրած համով, բայց անպայման ավելացնելով մի փոքր կարագ։
40 min
Կաթնաշոռով եւ թթվասերով չիզքեյք
Չիզքեյքը աղանդերի աշխարհում «համաշխարհային աստղ է»։ Աշխարհում պատրաստման հազարավոր տարբերակներ կան, դե՜, իսկ յուրաքանչյուր անձ ունի իր սիրելին։ Չիզքեյքի սիրահարները, վստահաբար, գոնե մեկ անգամ մտածել են չիզքեյք պատրաստելու մասին և թե որքա՜ն բարդ կլինի դա։
Շատ բաղադրատոմսեր, այո, բարդ են ու պարունակում են բավականին շատ բաղադրիչներ, բայց մենք այստեղ ենք՝ ձեզ ամենահեշտ, արագ ու միաժամանակ համեղ տարբերակներն առաջարկելու համար։
Պատրաստման եղանակը
- Քայլ 1: Հալեցրեք կարագը միկրոալիքային վառարանի մեջ կամ գազօջախի վրա և թողեք, որ սառչի սենյակային ջրմաստիճանում։
- Քայլ 2: Մանրացրեք թխվածքաբլիթները բլենդերով։ Որպես այլընտրանք կարող եք թխվածքաբլիթները լցնել հերմետիկ փակվող պարկի կամ տոպրակի մեջ և մանրացնել փայտե գդալով կամ ձեռքով։ Մանրացնելուց հետո ավելացրեք նախապես հալեցրած կարագը։
- Քայլ 3: Թխվող տարայի մեջ լցրեք թխվածքաբլիթները և հարթեցրեք բաժակով կամ գդալով։ Դրեք սառնարանում, որ պնդանա։
- Քայլ 4: Միջուկի համար ձեռքի բլենդերով հարեք կաթնաշոռը, որպեսզի այն կրեմային ու համասեռ դառնա։ Հետո հարիչով հարեք կաթնաշոռը, սերուցքը, շաքարի փոշին, վանիլը, օսլան ու ձուն։ Վերջում ավելացրեք կակաչի սերմը։
- Քայլ 5: Այս մասսան լցրեք չիզքեյքի հիմքի վրա ու դրեք 170 աստիճան տաքացված ջեռոց։ Ջեռոցում նաև ջրով լի տարա դրեք, որպեսզի չիզքեյքի երեսը չճաքի։ Թխման տարան կարող եք փաթաթել փայլաթիթեղով, որպեսզի ջուրը ներս չլցվի։
- Քայլ 6: Թխեք չիզքեյքը 40 րոպե։ Այնուհետև անջատեք ջեռոցը և դուռը կիսաբաց թողեք։ Երբ այն կհասնի սենյակային ջրմաստիճանի, ծածկեք և դրեք սառնարանում մի քանի ժամ կամ ամբողջ գիշեր։
- Քայլ 7: Հանեք չիզքեյքը թխման տարայից և զարդարեք այն։ Մատուցեք սառը և մեկ բաժակ սուրճով, կամ ձեր սիրելի ցանկացած ըմպելիքով։
Իսկ մենք հուսով ենք, որ չիզքեյքի մեր բաղադրատոմսից հաճախ կօգտվեք։