Մեր բերրի հողատարածքում սերմի և հողի հանդիպումից է սկսվում «Երեմյան Փրոդաքթս»-ի՝ «Սերմից՝ սեղան» բացառիկ ճամփորդությունը։ Մեծ սիրով ու հոգատարությամբ սերմի յուրաքանչյուր հատիկը ցանում ու աճեցնում ենք մեր հողատարածքում՝ խնամելով այն մինչև սննդարար առվույտ ու եգիպտացորեն դառնալը։ Մեր մասնագետները քաղում են այն, փաթեթավորում թարմ վիճակում, այնուհետև տեղափոխում մեր ֆերմա։ Սիլոսացման ժամանակակից տեխնոլոգիայով տեղում փաթեթավորում ենք կանաչ կերը, որը հնարավորություն է տալիս նույն հյութալիությամբ պահպանել այն շուրջ երկու տարի՝ վստահ լինելով, որ մեր կենդանիները տարվա բոլոր եղանակներին ստանում են նույն սննդայնությամբ բարձրորակ կեր։

Ծնունդով Եվրոպայից տոհմային կովերի համար մեր խելացի ֆերման տուն է, որտեղ նրանք ապրում են ամենօրյա խնամքի, ուշադրության ու հոգատարության պայմաններում։ Կենդանիներից յուրաքանչյուրին ցուցաբերում ենք անհատական մոտեցում, մեր կովերի ֆիզիոլոգիական վիճակի մասին ողջ տեղեկատվությունն ու նրանց պատմությունը հավաքագրում ու պահպանում ենք թվային համակարգերում։

Մեր հայեցակարգի ամենակարևոր գործընթացը կիթն է։ Մեր ֆերմաներում կաթի գործընթացը կատարվում է ավտոմատացված և անվտանգային նորմերի խիստ պահպանմամբ։

Անարատ ու համեղ կաթը սրահից փակ ցիկլով՝ առանց մարդկային միջամտության եւ օդի հետ շփման, ավտոմատացված համակարգով և երկու ֆիլտր անցնելով հասնում է սառնարան, պահվում սահմանված ջերմաստիճանում, ապա հատուկ մեքենայով տեղափոխվում գործարան:

Գործարանում թարմ կաթի առաջին կանգառը լաբորատորիան է, որտեղից սկսվում է կաթի ընդունման և նմուշառման պատասխանատու փուլը։ Ընդունման պահից կաթն անցնում է կարևոր փուլերով՝ ֆիզիկաքիմիական, մանրէաբանական և այլ հետազոտություններով։ Պատրաստի արտադրանքը նույնպես լաբորատոր հետազոտության է ենթարկվում։ Մասնագետները հաստատում են, որ կաթնամթերքը համապատասխանում է անհրաժեշտ բոլոր չափանիշներին

Գործարանում լաբորատոր հետազոտություններից հետո հում կաթը անցնում է մի քանի փուլերով՝ նորմալացում, համասեռացում, պաստերիզացիա, սառեցում։ Կաթի վերամշակումը անցնում է հիգիենիկ նորմերի խստագույն պահպանմամբ։

«Սերմից՝ սեղան» հայեցակարգի բոլոր փուլերը անցնելուց հետո էկոլոգիապես անվտանգ տարաներում, սննդարար, սեփական ֆերմայի մեկ աղբյուրի կաթից ստացվող մեր կաթնամթերքը հասնում է խանութներ, իսկ հետո՝ հայտնվում ձեր սեղաններին։