Կաթնամթերքի աշխարհում, իհարկե, բոլոր տեսակներն են կարևոր և օգտակար մարդու առողջության համար, բայց համաձայնեք, որ կեֆիրը շատերի մոտ միանգամից ասոցացվում է առողջ ապրելակերպի, օգտակարության և դիետիկ սնվելու հետ։

«Երեմյան Փրոդաքթս»-ը հերթական ուրախալի նորությունն ունի իր սպառողների և կաթնամթերքի սիրահարների համար․ ներկայացնում ենք անարատ կաթով պատրաստված մեր կեֆիրը։ «Երեմյան Փրոդաքթս»-ի կեֆիրը, ինչպես մեր ողջ տեսականին, պատրաստված է մեր ֆերմայից ստացվող «Ա» կարգի անարատ կաթով։ Այն 2% յուղայնություն ունի և մի շարք կարևոր սննդանյութեր, որոնք կբացահայտենք մեր այս բլոգում։

Կեֆիրի սննդարարությունը

Կեֆիրի մեջ առկա պրոբիոտիկներն են պատճառը, որ այս կաթնամթերքը համարվում է մեր առողջության համար շատ օգտակար։ Շատերը հիմա առողջ սնվելն ու դիետիկ սննդակարգը դժվար են պատկերացնում առանց կեֆիրի։

Սննդաբանները փաստում են, որ կեֆիրը հարուստ է կալցիով, կալիումով, ֆոսֆորով, մագնեզիումով և մի շարք սննդարար նույթերով։ Իհարկե, այն նաև ունի բազմաթիվ վիտամիններ, որոնցից են՝ վիտամին K2, վիտամին D, B2, B12։ Դե, այսքան կարևոր նյութեր պարունակելն ինքնին արդեն փաստում է կեֆիրի օգտակարության մասին։

Լակտոզային անտանելիություն ունեցող մարդկանց համար կեֆիրը առավել դյուրամարս է․ այս կեֆիրում լակտոզան մասամբ փոխակերպվում է կաթնաթթվի, և ի տարբերություն կաթի, այն մարսելն առավել հեշտ է դառնում։

Իսկ կաթնաթթվային բակտերիաները օգնում են մարսողությանը, կանխում վնասակար միկրոօրգանիզմների բազմացումը։ Սննդաբանի խոսքով՝ այն օգնում է կարգավորել փքվածությունը, փորկապությունը, մարսողական խանգարումներն ու նպաստում է քաշի կարգավորմանը։

Մեր իմունիտետի համար պատասխանատու բջիջների մոտ 70%-ը գտնվում է հենց աղիներում։ Ուստի կեֆիրի կանոնավոր օգտագործումը, որի մեջ առկա են պրոբիոտիկներ և մեր աղիների աշխատանքը կարգավորող բազմաթիվ սննդանյութեր, օգնում է ամրապնդել մեր իմունային համակարգը, բարձրացնել օրգանիզմի դիմադրողականությունը մրսածության և տարատեսակ վիրուսների դեմ։

Կեֆիրը, ինչպես արդեն նշեցինք, օգնում է նաև նիհարելու գործընթացին։ Այն թեև ցածր կալորիականություն և յուղայնություն ունի, սակայն միաժամանակ հագեցնում է նաև սովը։

Ե՞րբ է ավելի նախընտրելի խմել կեֆիր

Այս հարցը ևս հետաքրքրում է շատերին։ Մասնագետները խորհուրդ են տալիս կեֆիր խմել ինչպես առավոտյան, այնպես էլ երեկոյան։ Առավոտյան այն կարգավորում է աղիների և մարսողության աշխատանքը ողջ օրվա համար, իսկ երեկոյան նվազեցնում է սովի զգացողությունը, հնարավորություն տալիս խուսափել առավել ծանրամարս ուտեստներից և գիշերը ավելի հանգիստ քնել։

Ի՞նչ պատրաստել․ մի քանի «արագ» բաղադրատոմս

Կեֆիրով նախաճաշելը ամենատարածված տարբերակներից է։ Նախընտրելի տարբերակները շատ են, սակայն արագ, սննդարար ու համեղ մի քանի տարբերակ այս անգամ կներկայացնենք ձեզ։

Տարբերակ 1․ Ըստ ձեր նախընտրության՝ մեկ չափաբաժին վարսակի փաթիլների վրա ավելացնում եք կեֆիրը, այնուհետև հատապտուղներ, ձեր սիրելի մրգերը, մի փոքր մեղր։ Այս բաղադրատոմսն անգամ կարելի է պատրաստել երեկոյան, թողնել սառնարանում և առավոտյան վայելել։

Տարբերակ 2․ Մեկ բաժին կեֆիրին ավելացնում եք հապալաս, կիվի և վարսակի փաթիլներ, խառնում հարիչով և վայելում որպես սննդարար ու առողջ նախաճաշ։

Տարբերաի 3․ Կեֆիրը հիանալի է համադրվում նաև մյուսլիի հետ։ Կաթի կամ յոգուրտի փոխարեն կարելի է մյուսլիի վրա ավելացնել կեֆիր ու վայելել։

Որտե՞ղ գտնել

«Երեմյան Փրոդաքթս»-ի կեֆիրն արդեն վաճառվում է Երևանի սուպերմարկետներում, մեր ֆիրմային խանութներում՝ Թումանյան 21, «Լավաշ» ռեստորան և Ամիրյան 3/37, “Burgery Angus & More”, ինչպես նաև կարող եք պատվիրել առցանց՝ yeremyan.delivery կայքով կամ զանգահարել՝ 010 600 006: